បុរសជនជាតិថៃ ដែលត្រូវសង្ស័យជាអ្នកធ្វើឃាតលោក លិម គិមយ៉ា ត្រូវបានប្រគល់ឱ្យសមត្ថកិច្ចថៃ
ជនសង្ស័យត្រូវបានចាប់ខ្លួននៅខេត្តបាត់ដំបង កាលពីថ្ងៃទី ០៨ ខែមករា ឆ្នាំ ២០២៥ បន្ទាប់ពីបានរត់គេចចេញពីទីក្រុងបាងកក ប្រទេសថៃ ដោយសារមានពាក់ព័ន្ធនឹងករណីឃាតកម្មបាញ់សម្លាប់លោក លិម គិមយ៉ា អតីតតំណាងរាស្ត្រគណបក្សសង្គ្រោះជាតិ។ ហេតុការណ៍ឃាតកម្មនេះបានកើតឡើងកាលពីវេលាម៉ោង ១៧:៤៥នាទី ថ្ងៃទី ៧ ខែមករា ឆ្នាំ ២០២៥ នៅចំណុចផ្លូវ ១៣ហាង សង្កាត់ប៊ូរិន និវេទវិហារ ខណ្ឌព្រះនគរ ទីក្រុងបាងកក។
សមត្ថកិច្ចថៃបានចាប់ផ្តើមការស៊ើបអង្កេតភ្លាមៗ បន្ទាប់ពីហេតុការណ៍កើតឡើង និងបានកំណត់អត្តសញ្ញាណជនសង្ស័យមួយរូបដែលជាបុរសជនជាតិថៃ ហើយបានសម្របសម្រួលផ្ញើសំណើសុំជំនួយទៅកាន់ភាគីកម្ពុជា។ សមត្ថកិច្ចកម្ពុជា បានចាប់ផ្តើមស្រាវជ្រាវដោយប្រុងប្រយ័ត្ន រហូតដល់ទទួលបានព័ត៌មានជាក់លាក់អំពីទីតាំងរបស់ជនសង្ស័យ និងបានធ្វើការឃាត់ខ្លួន នៅចំណុចភូមិព្រៃស្វាយ ឃុំព្រៃស្វាយ ស្រុកមោងឫស្សី ខេត្តបាត់ដំបង នៅវេលាម៉ោង ១៣:៥០នាទី ថ្ងៃទី ០៨ ខែមករា។
បន្ទាប់ពីការចាប់ខ្លួន សមត្ថកិច្ចកម្ពុជាបានសម្របសម្រួលជាមួយភាគីថៃ ដើម្បីប្រគល់ជនសង្ស័យទៅកាន់សមត្ថកិច្ចថៃ ដោយផ្តោតលើកិច្ចសហការគ្នាដើម្បីធានាឲ្យមានការស៊ើបអង្កេតសម្រេចច្បាស់នៅតាមច្បាប់របស់ប្រទេសថៃ។
អ្នកនាំពាក្យអគ្គស្នងការដ្ឋាននគរបាលជាតិបានបញ្ជាក់ថា កិច្ចសហការនេះបង្ហាញពីការចងសម្ពន្ធភាពយ៉ាងរឹងមាំ រវាងសមត្ថកិច្ចទាំងពីរប្រទេសក្នុងការចាប់ក្ស័យបទល្មើស។
ផ្សាយនៅថ្ងៃទី១១ ខែមករា ឆ្នាំ២០២៥ ផ្សាយដោយ៖ នាគ.២៤
Post a Comment